Útgáfa Búsetans – málgagns húsnæðissamvinnufélagsins hófst. Búsetinn fjallaði aðallega um hagsmunamál félagsins. Málgagnið kom út reglulega til ársins 1997, en þá var útgáfu hætt. Þá tóku fréttabréf við sem voru gefin út á pappír til ársins 2016 en rafræn eftir það.
Lesa meira

Dregið um félagsnúmer þeirra sem höfðu gerst félagar fyrir 15. desember 1983 og greitt stofngjald 1. febrúar 1984. Þeir kölluðust stofnfélagar og voru 1448 talsins. 21 árs iðnnemi úr Kópavogi, Páll Ingi Kristjánsson hlaut félagsnúmerið 1.
Lesa meira

Búseti stóð fyrir stórfundi í Háskólabíói í aprílbyrjun. Samþykktar voru ályktanir þar sem Alþingi var hvatt til dáða varðandi húsnæðisfrumvarp félagsmálaráðherra. Búseti vildi tryggja að húsnæðisfrumvarp ráðherra yrði að lögum, að búseturéttur yrði viðurkenndur í lögum og aðgengi að fjármagni fyrir húsnæðissamvinnufélög og verkamannabústaðakerfi yrði aukið.

Búseti tók þátt í kröfugöngu verkalýðshreyfingarinnar 1. maí og minnti á höfuðkröfu íslenskrar alþýðu að öllum þjóðfélagsþegnum sé gert kleift að eiga kost á öruggu húsnæði. „Barátta fyrir búsetu“ var slagorðið á spjöldum Búseta.
Lesa meira

Búseti sótti formlega um lóðir fyrir 56 íbúðir sem staðsetja átti í Grafarvogi. Félaginu var úthlutuð lóð fyrir 8 hæða hús við Frostafold og raðhús við Fannafold, sem Búseti afsalaði sér. Lóðarúthlutuninni var fagnað á uppstigningardag á lóðinni við Frostafold þar sem skálað var í ávaxtasafa.

Fyrsta skóflustunga tekin að fyrsta íbúðarhúsnæði Búseta við Frostafold þann 26. nóvember af Búseta nr. 1, Páli Inga Kristjánssyni undir dynjandi lófataki viðstaddra.

Dregið var úr númerum félagsmanna um íbúðir í Frostafold 18-20 þann 15. maí. Útdrátturinn fór fram á byggingasvæðinu í sól og blíðu.
Lesa meira

Fyrsta tölva félagsins keypt, Macintosh SE vél, sem leysti ritvélina og pennaskrifin af hólmi. Lesa meira

Fyrsta húsið vígt á fimm ára afmæli Búseta þann 26. nóvember. Húsið stendur við Frostafold 18 - 20 í Reykjavík og er níu hæða fjölbýlishús með 46 íbúðum. Þess má geta að einn af frumbyggjum hússins býr þar enn.
Lesa meira

Starfsemi Búseta flyst í leiguhúsnæði við Laufásveg 17 í Reykjavík. Hér sést starfsfólk og formaður á þeim tíma, efri röð f.v. Sigurdís Reynisdóttir, Þórarinn Magnússon og Reynir Ingibjartsson, neðri röð f.v. Harpa Njáls, Guðríður Haraldsdóttir og Páll Gunnlaugsson.

Nýtt einkennismerki Búseta leit dagsins ljós sem teiknað var af Tómasi Jónssyni auglýsingateiknara. Hér halda þær Sigurdís Reynisdóttir og Guðríður Haraldsdóttir starfsmenn Búseta á merkinu.

Eitthundraðasta íbúðin afhent, sem var við Trönuhjalla 13 – 17 í Kópavogi.
Lesa meira

Fyrsta ráðstefna NBO haldin á Íslandi en þetta ár átti Búseti landssamband 10 ára afmæli. Ráðstefnan var haldin á Akureyri. Þessi mynd er frá NBO þingi í Haugasundi 1992. Reynir Ingibjartsson er fremst á mynd í brúnum jakka og Páll annar f.v. í efri röð, einnig í brúnum jakka.

Málþing Búseta á Hótel Sögu undir yfirskriftinni „Heimilið á 21. öldinni.“ Þar var farið yfir breytt fjölskyldumynstur og hvaða íbúðategund hentaði fyrir hina nýju fjölskyldu.
Lesa meira

Fyrstu íbúðir Leigufélags Búseta byggðar við Þorláksgeisla í Reykjavík, alls 60.
Lesa meira

30 ára afmæli Búseta. Eftir smá hlé á málþingshaldi var blásið til málþings í tilefni afmælisins með yfirskriftinni „Þriðja leiðin á húsnæðismarkaðnum.“ Einnig var gefið út veglegt afmælisrit.

Hafist handa við stærsta byggingaverkefni Búseta til þessa, 203 íbúða hús við Einholt 6 – 12 og Þverholt 15 – 23 í Reykjavík, gjarnan kallað Smiðjuholt. Undirbúningur verksins nær þó aftur til ársins 2012 þegar kaupsamningur lóðar var undirritaður þann 1. mars. Hönnuðir eru arkitektarnir Guðrún Ingvarsdóttir og Sigríður Ólafsdóttir.
Lesa meira

Núverandi einkennismerki Búseta var tekið í notkun. Það er teiknað af hönnunarteyminu Royal, þeim Ísak Winther og Pétri Guðmundssyni.

Framkvæmdastjóri Búseta og borgarstjóri Reykjavíkur skrifuðu undir viljayfirlýsingu þess efnis að Búseti fengi byggingarrétt fyrir 226 íbúðir á nokkrum stöðum í borginni. Viljayfirlýsingin var í samræmi við markmið húsnæðisstefnu Reykjavíkurborgar.
Lesa meira

Bjarni Þór Þórólfsson framkvæmdastjóri Búseta og Dagur B. Eggertsson borgarstjóri skrifuðu undir viljayfirlýsingu um enn frekari uppbyggingu húsnæðis fyrir félagsmenn Búseta. Einnig skrifuðu forsvarsmenn Byggingafélags námsmanna, Félagsbústaða, Bjargs og Félagsstofnunar Stúdenta undir lóðarvilyrði fyrir óhagnaðardrifin íbúðarfélög.

Búseti byggir við Hallgerðargötu 20 þriggja hæða lyftuhús með 42 íbúðum. Um er að ræða tvískipta byggingu með bílakjallara. Íbúðirnar verða fjölbreyttar að stærð og gerð, tveggja til fimm herbergja, allt frá 60 m² til rúmlega 140 m² að stærð.

Lesa nánar.

Undirbúningur er hafinn að nýbyggingarframkvæmd Búseta við Eirhöfða á Ártúnshöfðanum.

Skóflustunga að 47 nýjum íbúðum sem Búseti húsnæðissamvinnufélag byggir við Eirhöfða 1 á Ártúnshöfða Reykjavíkur var tekin 10. nóvember 2023.

Lesa meira

Búseti 40 ára. Saga Búseta rituð af Páli Gunnlaugssyni gefin út og afmælishátíð haldin á Grand hótel 23. nóvember. Á myndinni er ritstjórn bókarinnar, Ásdís Ingólfsdóttir, Reynir Ingibjartsson og Páll.
Félagsmenn eru í dag um 5.300 og félagsnúmer að nálgast 21.500.